Դիմահարդարման 10 սխալ, որոնք 10 տարով մեծացնում են. 1in.am

Մեր օրերում դիմահարդարումն իսկական արվեստ է: Յուրաքանչյուր կնոջ համար կարևոր է նաև կոսմետիկայի որակը, դրա բաղադրությունը: Սակայն, նույնիսկ լավագույն կոսմետիկան ունենալու դեպքում, կանայք թույլ են տալիս անհեթեթություններ, որոնք խախտում են հարմոնիկ կերպարը և ծերացնում:

marketium.ru-ն ներկայացնում է 10 խորհուրդ, որոնք կօգնեն խուսափել դիմահարդարման սխալներից:

Տոնային քսուկի հաստ շերտ

«Ծանր» դիմահարդարումը մի քանի տարով կմեծացնի: Նախընտրեք թեթև քսուք, որի բաղադրության 60-75%-ը կազմված է խոնավեցնող քսուքից և հանքային միկրոպիգմենտներից: Այն քսելուց հետո սպունգով մերսեք կնճիռները՝ ավելորդությունները հեռացնելու համար:

Չափազանց բաց գույնի տոնային քսուկ

Եթե տոնային քսուքը ձեր մաշկից նկատելիորեն բաց է, այն կարող է ընդգծել կնճիռները: Տարիքի հետ լավ է ընտրել մեկ կամ 2 տոնով ավելի մուգ տոնային քսուկ:

Կոռեկտոր

Մուգ շրջանակները մշտական խնդիր են: Դրանք հոգնած տեսք են տալիս և մի քիչ ծերացնում: Այս դեպքում կարևոր է հարմար կոռեկտոր ընտրել:

Չափազանց շատ դիմափոշի

Որքան տարիքով է կինը, այնքան ավելի ռացիոնալ պետք է օգտագործի դիմափոշին. ավելորդ շերտն անմիջապես ընդգծում է կնճիռները, իսկ դեմքը նմանվում է «փոշիով դիմակի»: 40 տարեկանից հետո դիմափոշի պետք է քսել միայն Т-գոտում՝ ոչ էսթետիկ փայլը վերացնելու համար:

Այտերի կարմրաներկ

Պետք է ուշադրություն դարձնել նաև կարմրաներկի օգտագործման ձևին: Կարմրաներկը միայն այտերի «խնձորիկներին» քսելու դեպքում ուշադրությունը կարող է կենտրոնանալ թառամած մաշկին, եթե դուք այնքան էլ երիտասարդ չեք: Բացի այդ՝ շատերին այդ տարբերակը պարզապես չի սազում: Ավելի ընդունված վիզուալ արդյունքի կարելի է հասնել՝ կարմրաներկը քսելով այտոսկրերի վերին մասում, բայց ոչ քթին չափազանց մոտ: Նախընտրեք բնական գամմա, որն, իսկապես կերպարին թարմություն կբերի:

Սևաներկ՝ ներքևի թարթիչներին

Ներքևի թարթիչներին ինտենսիվ քսված սևաներկը կընդգծի կնճիռներն աչքերի շուրջ: Լավագույն տարբերակը վերևի թարթիչների համար ամենասև սևաներկն օգտագործելն է, որն աչքերի սպիտակուցներն ավելի վառ կդարձնի և վիզուալ կմեծացնի աչքերը: Իսկ ահա ծավալային սևաներկից ավելի լավ է հրաժարվել:

Գծաներկ՝ ստորին կոպի վրա

Քչերին է դիմահարդարման այս հնարքը սազում. այն փոքրացնում է աչքերն ու զգալիորեն ընդգծում մուգ շրջանակները: Ավելի օպտիմալ է վերջին կոպերի վրա շեշտը: Ընդ որում՝ գիծը պետք է լայնանա աչքի դրսի անկյան մոտ:

Փայլող ստվերաներկեր՝ աչքերի արտաքին անկյուններում

Դիմահարդարման մեջ մի քիչ փայլը հրաշալի քայլ է, հատկապես ռոմանտիկ ժամադրության և հանդիսության համար: Միայն կարևոր է հաշվի առնել, որ աչքի դրսի անկյուններում փայլող ստվերաներկը կարող է ընդգծել յուրաքանչյուր կնճիռը: Ուստի այն քսեք աչքի ներսի անկյունում, կոպի կենտրոնում և հոնքերի տակ:

Շրթներկը «սահում է»

Եթե շուրթերի բնական գիծը տարիքի հետ պակաս հստակ դառնա, ներկված շուրթերի դեպքում գնալով ավելի հաճախ շրթներկի «սահելու» էֆեկտ կստեղծվի: Կոսմետիկայում անպայման պետք է եզրագծային մատիտ ավելանա՝ համապատասխան տոնի:

Հագեցած շրթներկ

Վառ և մուգ երանգները լավագույն ընտրություն չեն այն կերպարի և շուրթերի համար, որոնք բարակում են: Եթե այդպիսի նրբություն կա, ավելի լավ է չեզոք ու բնական երանգներ ընտրել: Կարելի է նաև փայլ օգտագործել, ինչը վիզուալ կմեծացնի շուրթերի ձևը:

Հարցեր, պատասխաններ, մեկնաբանություններ